【台灣白話史詩】

中文版
康熙廿二拿台灣　設置一府分三縣　台灣屬佇福建管　道台大人最有權
知府專辦是行政　總兵武將練新兵　內政軍隊分真明　前朝遺老心肝凝
反清復明真歹摒　乖乖剃髮來降清　認真打拼為前程　滿清算來是外族
台灣最後被征服　康熙統治全中國　對待台灣第一惡　官兵三年一調度
來台一定是無某　家眷留佇大陸顧　防止反叛清聖祖　這款制度歹步數
來台做官心全黑　官期三年愛想步　貪財亂來黑白挖　三年未滿就上路
管伊台灣土土土　台灣羅漢像破布　流水破布無所靠　看破緊找平埔某
一某恰好天公祖　甘願一生做某奴　不愛流浪跑大路　少年若沒一擺憨
路邊哪有萬應公　離開原鄉心茫茫　不知台灣兮狀況　如今已成白頭翁

1995-9-18 寫於台南府城
羅馬拼音版

吟唱聲音版