【台灣白話史詩】

三、蔣家王朝
日本狗　大心肝
打阿山　阿山走
走到長江頭
日本狗　追不夠
美國仔　打了兩粒原子炮
廣島、長崎萬民哭
日本天皇出來　叫有夠
世界大家來講和　蔣介石將伊台灣討
迄時　台灣人叫伊是阿哥
阿山哥不像樣
毛澤東將伊搶
全部國民黨趕出場
牛頭馬臉　來到台灣島
原性不改　稱阿哥
白米飯　任伊嗆　台灣某　舖門床
三句二句喊要轉
台灣精英叫來問
講咱罵伊　貪污　走後門
二二八那一工　打狗到雞籠
殺人不夠填大港
大龜精　台灣米　飼甲死
二二八冤魂來追伊
殊不知
全部罪名掛陳儀
死已死　別追伊