【台灣七字仔三百首】

難忘的文史營

首屆台灣文史營，在聖母廟會議廳，
四暝五工本土行，研究文史好心情。
趕緊報名毋認輸，學員大細攏總有，
只要汝是有興趣，認真研究大豐收。
阮是土城的子弟，看著廟埕人赫濟，
有來報到緊入坐，把握即擺好機會。
講師個個名聲好，滿腹文章考袂倒，
演講予汝作參考，逐家聽著笑呵呵。
晚會節目誠精彩，看著感動在心內，
感謝主辦爻安排，明年我會閻再來。