【台灣七字仔三百首】

文史營記事

台灣一直受虐待，文化歷史攏無知，
踏入鹿耳來朝拜，期盼文史重熟識。
寒夜埋冤李喬來，提出疑案予人知，
說明啥是文化財，敬畏謙卑是應該。
聖母廟埕滿人拜，今暗音樂伴風來，
愛樂合唱有精彩，聽來心園滿花開。
城廓遺蹟將卜埋，培夫投影救古胎，
南北城門集歸排，古蹟重現心開懷。
台灣文學漸人睬，鍾老淺談鬥陣愛，
鯤島並非中國派，文學主體阮愛知。
國姓當年苦來台，郭榮斟酌說出來，
史科傳說攏存在，走揣正港明鄭代。
瑞金評論文學界，慧眼頂真通人知，
文學史科講出來，才知土地離不開。
阿母的話無人知，歌謠歌詩欠人採，
陰暗失蹤總回來，心適趣味感心懷。