【台灣七字仔三百首】

母子的心聲

阿母的話
有落種就會開花，種金瓜袂生菜瓜，
聽看學毋免嫌多，認真稽考是汝的。

查某囝的心內話
學校即時放暑假，想卜佇厝睏予飽，
啥知土城暫時滯，會學得卡多技巧。

後生的感觸
雖然我是上細漢，日援有的是時間，
只要前輩做前牽，我會予恁來讚嘆。

仝款的心情
阮是坐阿爸的車，來寶地鹿耳門遮，
予阮有吃閣有掠，會將掠的帶轉掖。

心情雜記
文史宣揚愛開始，大家見面真歡喜，
希望日後是知己，母語的根由咱起。
來遮上課攏袂熱，全家閣攏上報紙，
這是上好的暑假，即種人生上快活。
何教授說台灣史，予我聽甲真興趣，
嫌他講的無夠久，希望機會猶閣有。
講師時間攏無夠，因為大家攏真爻，
才疏學淺學袂曉，希望卡濟放咱兜。
不知敢會寫傷濟，袂曉問人省翻冊，
句句是心情告白，看捌就是大家的。