【台灣七字仔三百首】

聽講有辦文史營

聽講有辦文史營，知影趕快來報名，
教授講課認真聽。為學台語來打拼。
囡仔大人來上課，教授教課認真學，
樂在其中袂疲勞，學習精神人呵咾。
營內招待其周全，學習效率來提高，
主辦用心無仝款，土城一定出狀元。
做人做事有道理，人人呵佬佮恭禧，
快來土城求財利，鹿耳門前好地理。
媽祖庇佑眾生靈，建設土城大經營，
人人參拜來不停，土城前途大光明。
山明水秀阮家鄉，鳥隻成群田中央，
花蕊芬芳一支香，樂趣融融在其中。
戶外研習真趣味，眼前飛來白鷺鷥，
自然風光滿滿是，看得人人心歡喜。
台語典雅又優美，過往被禁沒道理，
傷心往事已過去，營內學習用心機。