【台灣七字仔三百首】

參加台灣文史營始末

台灣文史卜開營，聽講講師誠有名，
逐家鬥陣做夥行，卜來參加拼輸贏。
個個講師有一套，學員認真唔甘逃，
吟詩念歌樂陶陶，坐船遊港好●迌。
你我輸贏囥一邊，互相呵咾心頭甜，
朋友熟識緣份添，祝福各位出頭天。
前輩學者有底講，鄉土文化愛推廣，
放下私心來為公，乎咱台灣發金光。