【台灣七字仔三百首】

賴和楊逵作伙行

（一）
朋友相招逗陣行，土城台灣文史營，
鯤島文化佇遮掖，四暝五工真奢颺。
（二）
賴和揚逵做伙行，探頭台灣文史營，
媽祖看著叫一聲，兩人請坐免報名。
（三）
鄉城台語讀書會，即擺活動鬥跟隨，
峰政老師人欽佩，講課吟詩真笑詼。
（四）
原音和舞同齊行，來到鹿耳文化營，
漁夫好友攏雙贏，台頂台跤好攝影。
（五）
鄭王鹿耳來登陸，三佰冬前百相約，
約定今日咱一局，老友重逢心滿足。