成功趕走紅毛轉，台語登陸鹿耳門．
祖先打拼盡所向，卜踮台灣建家園。
成功趕走紅毛番，祖先扑拼建台灣．
台語到咱煞變款，維護予好代代傳。
成功趕走是荷蘭，建立家園無簡單
台語祖先留予咱，代代流傳心才安
文史辦在聖母廟，學員報名攏相招，
土城人氣嘎嘎叫，台灣文藝爭出頭。
聖母有聖攏愛拜，土城旺氣人愛來，
舉辦文史頭一屆，台灣頭尾眾人知。
聖母建廟在土城，頭擺舉辦文史營，
名聲流傳夆知也，台灣文藝做先行。
土城怪傑是漁夫，出喙七字自然有，
史詩寫來真鬥句，轟動世界前世註。
漁夫伐落文史營，有伊坐陣毋免驚，
上課分工出力拼，招兄招弟做陣行。
漁夫做人誠趣味，出喙著是七字詩，
活動辦來造風氣，復興台語傳新奇。
少年參加文史營，學寫七字真時行，
一人一首來咧拼，來作詩人好名聲。
成功當年扑紅毛，計策潮水無糊塗，
進入台灣行險路，屯兵積糧建東都。
台灣建國事是真，屯兵積糧顧人民，
毋驚中國來變面，分家避免做仇人。