（一）
台南土城聖母廟，香火旺盛毋捌歇，
規年通天金褚燒，聖母靈聖眾生惜，
幾百冬來攏定著，善男信女來相招，
三擺助贈來建醮，燦爛佛光前程照。
（二）
人講台灣無文化，拜託毋通烏白饋，
毋信請你緊來看，土城台灣文史營，
文人學者攏佇遮，逐個牽手做伙行，
同齊大力唱出聲，台灣文化價連城。
（三）
人講台語真粗魯，按爾實在傷離譜，
你兮面子若欲顧，請你著來聽我訴，
台語淵源有夠古，漢代口語伊有●，
唐朝雅言嘛包羅，八聲七調真好呼。
（四）
人講台語無文字，這是完全無根據，
百年無用來所致，一時毋知走佗去，
語文親像喙佮舌，自古難得拆分離，
你若雄雄揣無字，羅馬文書上合時。