日本壓制五十冬，國民政府也相仝，
揣無阿母的乳芳、少年煞來唱無望。
想起阿母兮時代，阿母愛看電視台，
拍開電視皆看覓，鴨仔聽雷攏毋知。
罕罕一齣台語劇，攏是粗魯見笑代，
敢講台灣遮哀●，阿母怨慼心悲哀。
想到阿母流目屎，過身已經有五載，
袂赴看咱台語界，掃除烏雲見月眉。
有人袂曉講台語，煞講台語無文字，
甘願做牛予人欺，糊里糊塗過一世。
台語聲調有夠婿，親像咧唱DOREME
唱甲心花開開開，逐家聽甲醉醉醉
台語聲調好相褒，文字優雅真古老，
八聲七調著來學，卜唱情歌免驚無。
少年囡仔學台語，阿公阿媽真歡喜，
乖孫真正有志氣，台灣一定出頭天。