【台灣七字仔三百首】

想起土城一漁夫，文章傳世有本事，
台灣史詩用台語，轟動世界閣傳久。
漁夫做人真趣味，出口攏是七字詩，
聲韻鬥句好言語，推動台文有計智。
人生七十才開始，今年五十算啥乜。
卜予台灣出頭天，愛逶台語釘根基。
為著台灣的基業，漁夫大發英雄帖，
名喙專家連紲接，官家文史佔頭牒。
大氣一吐三百年，府城今年才覺醒，
走揣台灣的根基，土城聖母真歡喜。
文史開營頭一擺，免驚世界無人知，
成敗自有天安排，土城聖母笑咳咳。
漁夫嘹落文史營，心肝婩定免驚惶，
有阮佮汝鬥陣行，包汝辦甲足晟焱。
轟動媒體文史營，文林相爭來報名，
一百六十已經定，後屆恁著注意聽。
為著台灣文史營，逐家相招鬥陣行，
鄉土文化愛皆疼，重生再建好名聲。
參加台灣文史營，包汝有食閣有掠，
兩千開了心袂疼，學問收成歸牛車。