已卯年頭正月正，同齊做伙七八名， 駛向山中一直行，有人暈車叫阿娘。 兩位中年的男子，六位資深的美女， 一心卜向山中去，高速公路走過區。 拋了妻子走遠地，個個親像管芒花， 隨風飄散四界飛，為著卜講咱的話。 感冒嗽聲誠煩惱，眠床無伴睏袂燒， 喀嗽無睏半撐倒，神威發功攏總好。 名主持人好舖排，晚會兩場真精彩， 觀賞母語頭一擺，鄉親感動流目屎。 正月新春好頭采，青山綠水好所在， 心頭歡喜閣再來，合唱歌詩人人愛。