（一）過期約會 一張過期兮通知，這是糊塗大代誌， 台江兄弟真受氣，漁夫向恁會不是。 （二）挖台灣根 文史開營漸漸近，心情緊張頭起昏， 希望文友來鬥陣，呼咱台灣尋著根。 （三）鴨子聽雷 文史開營頭一屆，媒體報紙鬧猜猜， 草地人不知啥代，講是文人大拜拜。 （四）觀今撫古 土城算來是寶地，傑出鄉親出赫濟， 莊內留有紅毛井，也有荷蘭兮羅庚。