【台灣白話史詩】

中文版
明治傳位予大正　東京大陣大學生　看出台灣兮苦景　不用武力用文爭
林獻堂奉獻一生　文化協會伊促成　出錢出力又無閒　台灣通史出連橫
寫出一片歷史經　受苦一程又一程　親像宮女落冷宮　蔣渭水出名醫生
講出台灣兮病症　放屎百姓無路用　組成台灣新聯盟　左派出現連溫卿
王敏川出獄重整　文協提出新綱領　抗日人馬分雙摒　民眾黨右派申請
治警事件攏判刑　蔡培火大喝不平　公益會長辜顯榮　專捧日本兮恩情
蔡惠如組青年兵　無力會罵奸橫行　林呈祿主張議程　台灣議會大促成
請願設置無時停　總督心肝真清 可憐台人合和　各人攏想做大哥
不願服人做貓玀　遇著爭執弄幹操　大家弄破攏乎無　被笑台灣蟳無膏

1996-11-10，完稿于溫哥華
羅馬拼音版

吟唱聲音版