+ 請點選觀看著作 +
【台灣白話史詩】
+ 十二生肖歌篇 +
童謠第九首 猴
猴山仔，猴山仔，真好耍1。
紅尻川2，身軀全部毛。
食香蕉，不免黃3。
雞屎膏4，包紙呼伊舔。
雞屎沾著就拔毛。
毛臭臭，猴山仔大聲哭。
看到主人目屎流。
猴山仔流目屎，死囝仔兄愛悔改。
創治5弱勢尚介害。
咱的祖先是由猿猴來。
愛護動物才應該。
猴山仔，是咱人類尚介愛。
註：１．真好耍：「耍」者，玩也。
２．紅尻川：紅屁股也。
３．不免黃：其意為不必很熟。
４．雞屎膏：雞糞也，「膏」者，水質液態也。
５．創治：捉弄。
６．尚介愛：最愛也
