一、喜悅之曲
布希總統 敢車拼
替咱叫出台灣的正名
中國抗議 無尾聲
統派份子 氣死叫阿娘
阿扁總統 有淡薄青驚
台灣趕緊喊沒影
說是布希總統口誤、突槌的事件
哈！哈！ 台灣真歹命
美國總統替咱號正名
可憐台灣不敢應一聲
啊！真是啞吧壓死子
啊！啊！ 敢講台灣的名是嚇尼歹聽
二、希望之曲
台灣懷胎三佰冬
阿爸！ 換過三、五人
阿母！ 唱哭調 眼眶紅
不幸喔！ 隔壁住有一戶薄情郎
大哥！ 阿滿仔 將阮賣給日本人
二哥！ 阿國仔 騙吃老幹四十冬
小弟！ 阿共仔 起腳動手 強入房
唉呀！ 夭壽短命大色狼
大子阿輝喂！ 兩國論 不能放
細子阿扁喂！ 正名運動趕緊動
連仔、宋仔兩位入嗣男 要幫忙
阿母不嫁阿共仔 甘願守寡一世人
-公元二００二、四、七，初稿於溫哥華‧
二００二、五、四，完稿於府城『園寮居草堂』