【台灣白話史詩】

中文版
乾隆退位換嘉慶　頂代打拼這代閒　想要台灣看風景　不知吳沙甲番爭
番王攻破頭圍頂　宜蘭番仔不降清　嘉慶九年蔡牽反　鹿耳門港攻台灣
劫走商船數十番　招賢納士檄文傳　建元光明心真專　三攻鹿耳雞籠灣
王得祿大軍支援　蔡牽退出事算完　蔡牽造反已平靜　漳泉械鬥真歹平
但是開墾好光景　百姓有吃甲有穿　人口二佰萬三仟　南部佔三份二屏
台灣百姓海洋性　對外貿易真正經　設置行郊分有明　北郊路線到天津
南郊勢力汕頭前　本島海運分兩港　南部叫做下港人　出產蒜頭兼青蔥
頂港採茶用篦籠　板橋查某想招尪　睡破三蓆袂輕鬆　下港查某守一人
一府二鹿三艋舺　台南府城算最早　南至北十八港腳　攏是嘉慶兮天下

1996-1-13晨，寫於溫哥華
羅馬拼音版

吟唱聲音版