【台灣白話史詩】

第一理：台灣水噹噹
台灣行過二仟冬　玉山日出照街巷　濁水溪邊影雙人　日月潭中月移動
夕照彩霞安平港　藍天白雲在台東　青山綠水看碧潭　千禧打開咱心窗
黑金政治趕緊放　政黨輪替換頭人　阿扁當選有希望　台灣一定水噹噹

第二理：阿扁做頭人
咱給阿扁四冬久　伊是一隻台灣牛　阿爸南部做農夫　細漢讀冊不認輸
台大畢業做律師　又做民主的鬥士　立委市長經驗有　來做總統最合軀
青春有力美國扶　台海風雲才能住　百姓趁錢好安居　改變台灣只這次

第三理：阿輝應該放
台灣民主漸開化　總統年紀已經大　伊愛傳道的生活　送伊山邊教會蹛
連戰政治亦該煞　兩國主張不敢喊　後局政治無好扶　您的團隊一盤沙
因為宋仔來分化　退休返來台南蹛　政權放乎阿扁扶　扁營幕僚腦力活

第四理：宋仔一場空
宋仔做人尚奸巧　吃了十億閣吪飫　舊時做歹煞了了　自稱清廉眾人譙
這是標準的官僚　族群合理免明表　但是豬牛歹同椆　總統選舉別假椆
出賣台灣沒嚎消　給伊當選害了了　恢復蔣家的王朝　這款代誌就大條

第五理：阿良鬥幫忙
信良為台真感心　可惜一生真浮沉　大膽西進犯大禁　天涯海角無知音
手抱一支斷線琴　這次選舉著要忍　不可對扁亂批評　過去大家一段情
被人操縱無路用　幫助阿扁來執政　建設台灣好光景　青史留名心頭清

第六理：李猴變臭人
這隻潑猴鬧天庭　擾亂世間渡一生　啥咪肖話講無停　句句攏是害生靈
反骨神經已成性　不知台灣的民情　一國兩制伊讚成　要告總統像命令
輕視台人無才情　爬起台灣頭殼頂　這隻潑猴要開銃　台灣社會才安定

後記：一、台灣水噹噹！這是台灣人的夢，夢成、夢空，只看三月十八這工。
二、總統選舉，只爭一字－理，天理是天意《五龍好年新世紀》，地理是地氣二牛。翻身在埔里》，人理是時機《一鼠咬布袋了米》，天、地、人三理對扁大有利，高票當選，大家歡喜。鹿耳門漁夫註－版權公開，歡迎轉印。