【台灣白話史詩】

主人的吼聲一
想起台灣古早時，
大片草埔，青青青。
日月潭水，平平平。
花鹿伴子在溪邊。
稻谷小米，圓圓圓。
四季水果，甜甜甜。
喂！阮佔島嶼已千年，
阮是台灣的土生，
叫阮生番無公平。

主人的吼聲二
想起古早的台灣，
草埔青青，沒人管。
水牛抬頭，看山巒。
烏鶖唱歌，沒操煩。
藍天伴雲，情意專。
青山綠水轉不完。
喂！啥人敢叫阮生番，
這塊島嶼屬阮管，
阮愛美麗的台灣。