【台灣白話史詩】

多謝台加兮抬愛　乎我光榮上講台　介紹詩歌大家知　我兮作品真癡呆
全無大家兮氣派　台灣算是小所在　外來統治兩三擺　日語華語黑白栽
純種台語被迫害　民間文學像白菜　不敢上桌甲人拜　母語消失代過代
本土文化攏不知　諸位朋友今晚來　台加會館好所在　忍耐聽我落下胲
台灣社會真正害　殺人綁票無啥代　政治黑道兮舞台　鱸鰻議員排歸排
公共工程由一派　分贓不平就相刣　治安敗壞無藥改　解救台灣大家來
翻開先民草根味　想起古早艱苦時　沒米可煮食蕃藷　補貼家用飼大豬
衫窄褲破裂裂裂　麵粉內褲是中美　土結厝是窄晶晶　虱母蚊子吵歸暝
洗衫洗褲在溪墘　這款艱苦已經過　勤儉古風緊追回　黑道兄弟該懺悔
貪官污吏要作廢　海外台僑緊聚會　保存台灣這蕊花　大家來學台灣話

西元1997-8-8，寫於文化講座前夕
註：台加文化協會，是加拿大溫哥華最大的台灣人團體，筆者受張邦良會長之邀請，在會館發表文化講座，此篇為開場白文稿。二００一、五、八新註