【台灣白話史詩】

勁之先生敬啟者　請你暫時小閃避　因為兩岸正車拼　啥咪言語攏不聽
其實汝我是弟兄　平平攏是漢族子　尤其母語共款聲　伍佰年前煮一鼎
汝房可能通阮廳　廈門一遊才知影　意識形態是假名　徹底了解才真正
政治本來是無情　硬硬將人分兩摒　野心份子沒正經　煽動兩邊起戰爭
刣人無數太酷刑　善惡因果會報應　大家回頭拜佛僧　祈求世間永和平
人在世間無外久　死了名利是攏無　眾生保惜假身軀　六塵六識煩惱有
一日到晚太苦楚　一生勞碌親像牛　小弟早前在經商　比較心肝有卡衝
心存不滿黑白嚷　如今年老姑不終　奉勸大家要相容　爭生鬥死無路用
這擺漳州來訪古　周教授陪阮找路　呼阮踏著原鄉土　雙岸交流第一步
慢慢了解相照顧　相親相愛說當初

鹿耳門漁夫　敬上1996-11-17
後記：一九九六、十一、十六台灣詩人-黃勁連先生，轉來廈門陳勁之先生一張批，其中有一段「蔡先生寄『一個詩人的生活』參『台灣白話史詩』乎我，呣知　　啥因單，這埭海關通知〝按現行規定，禁止進境〞」，筆者閱後，有感而發，故作此文，盼化解此一疑雲。