【台灣白話史詩】

台灣囝仔回唐山　親像廈門轉同安　慢慢起程不驚晏　爬上飛機就到岸
時代進步是因單　兩岸情是不相瞞　提起渡台兮心肝　古早海風陣陣寒
破裘破褲串歸琯　破筊蔗仔貯碗盤　紅嬰佛祖包被單　兩隻老雞好做伴
一支廣絃彈閣彈　一把種子看閣看　那是冇去按怎　這是一家兮飯碗
當時渡台真艱苦　蕃藷簽配鹹魚脯　囝仔嬰是無穿褲　竹蔀仔腳做便所
過溪過溝舖竹箍　莊頭莊尾是土路　落雨天是糊糊糊　豬母豬仔亂主挖
粟倉無米免貓顧　西北雨仔落真粗　全身沃濕找無褲　只有一條補閣補
老祖公仔有夠苦　一代一代罔來度　總有出頭兮運數　今日漳州來訪古
教授陪阮找路　呼阮踏著原鄉土　雙岸交流第一步　慢慢了解相照顧
1996-6-30發表於廈門華僑大飯店
後記：一九九六、六、廿八，台灣詩人黃勁連先生，手拿一張三００外冬前祖宅兮古地址(安溪鎮錦宅上厝角廿一號)，拜託廈門大學周長楫教授尋找祖厝。周教授沿途探聽，筆者跟隨在後，在探訪過程中，筆者聽著原鄉話、看著原鄉物、想起原鄉事，有感而發，寫成詩歌，以資紀念。